داغ

اوستونلوك و اوجاليق سيمگه سي اولسادا

داغچي یوخسا داغ

ياشاييش آنلامي دير

 بو آنلامي ياشامادا قار، كولك، سويوق، سازاق، دولو، ياغيش و باشقا چتينليكلر قارشيسيندا داينمالي ديرداغچي  : ايلهامين طبيعت دن آلير و اؤز حاياتيندان اونا پاي وئرير بير قيرميزي آلماني يولداشلارينين آراسيندا بؤلمك ايسته يير، نئجه كي هر بير ديليم آلماني  بير پاي حاياتيندان سانير. داغچي توكنمز يوللارين گوجلو يولچوسو اولسادا، ان گوجسوز يولداشينين آرخاسيندا بير داغدير، زيروه ني يولداشسيز بينمه يير،  بونا گوره اوره گينين چيرپينماغين يولداشينين آياقلارين ريتميله قورور داغچي يولداشلاريلا ياريشمايير، هيچ بير كيمسه يله ياريشمايير و كيمسه دن آلقيش اوممايير.

سحرين دان اولدوز، شئحلي بنوشه نين دانسويو، گؤزل قوشلارين نغمه سي، گونشين حايات باغيشلايان ايستي سي و باياض گئجه لرين آي ايشيغي اونا تانري طرفيندن وئريلن بير پاي اولدوقجا يوكسك بير آلقيشدير.داغچي طبيعته وورغوندور، طبيعته عاشيقدير و بو عشق اونا حايات باغيشلايير و او بو حاياتي يولداشلاريلا پايلاشير داغچي طبيعته، داغا اينانيب، آلاهين گوجونو اوز به اوز گؤرمه ليدير، واسيطه سيز اونا ديز چؤكمه گی اینانیب

داغچي بير ايلده دورد ايل ياشايير، دورد ياز، دورد ياي، دورد گوز و دورد قيش  هر بير يوكسلمه ده (صعود) يازي داغين يام ياشيل ياماجيندا و قيشي داغين قارلي زيروه سينده گؤرور داغچي دفعه لرله بوتون اينسانلاردان ان اوجا يئرده اولسادا بوتون اينسانلارين قارشيسيندا باش ايير و اينسانيت قوللوقچوسودور داغچي  اوجا داغلارين زيروه سينده اوزاقلارا باخير! و گلديگي يولو ايزله يير و گله جه گيني دوشونور  داغچي  يورولور، اينجي يير، اوسانير، سينسي يير اما دؤزور، دؤزومه، دؤزمك اؤيره دير!داغچي آماجي زيروه دير، باشي اوجا، غرورلو، باريشماز زيروه اونو ياريشا چاغيرير،

داغچي يوكسه لير، بؤيويور، اوجالير، غرورسوز باشي اوجا ياشايير و باشقا بير زيروه ني دوشونور داغچي اؤزگور ياشايير و بوتون اينسانلارا اؤزگورلوك آرزولايير    (زنگین)